114 
EPIGRAMMA. 
Ecce Tridentinis ortus de rupibus amnis 
Agmen agens vitreum se Medoacus agit. 
Concilijque memor, Patrumque assuetus honori 
In Veneta cupidus quaeritat in Vrbe Patres. 
Aptior vt veniat Pataui circumfluit Vrbem, 
Et secum inuoluens dogmata sacra gerit 
Sic habilis Venetis Cymbis patet alueus, illas 
Excipiens dorso fertque, refertque suo. 
Defluit, & refluit dubijs mollissimus vndis 
Expandens famulas officiosus aquas. 
Optataeque trahens commercia florida ripae 
Gratior aequoreos venit ad vsque lacus. 
Inde Domos Dominae conterminus vrbis adorat, 
Seque humilis prono gurgite condit Aquis. 
2o 
Bendet 
TA-