107. COMMENTARIVS.

C onfirmat tertio modo, quod auctoritati Alphragani innititur, terram
eſſe veluti punctum, vt perſpicuum eſt in ipſa litera. Non autem ſolus Alphra-
ganus dicit, minimam ſtellarum, quæ viſu percipiuntur, maiorem eſſe terra, ve-
rum etiam idipſum omnes fere Aſtronomi aſſerunt.

V t autem intelligatur, de quibuſnam ſtellis minimis auctor noſter ex ſen-
tentia Alphragani, & aliorum Aſtronomorum locutus ſit, pauca mihi videntur
dicenda de ſtellis in vniuerſum, quot videlicet numero obſeruatæ ſint ab Aſtro-
nomis, & quam proportionem earum magnitudines habeat ad magnitudinem
terræ. Aſtronomi igitur omnes ſtellas fixas in Firmamento viſu præceptibi-
les, hoc eſt, quæ ſemper, cum cœlum ſerenum eſt, commode videri poſſunt,
diligenter obſeruantes deprehenderunt, eas eſſe numero 1022. Sunt quidem
plurimæ aliæ ſtellæ minimæ, (Hoc enim nunquam negabo) quas, quia non di-
ſtincte, & clare ſeſe obtutui offerunt, vel quia non quolibet tempore anni, pro-
pter earum paruitatem videntur, conſulto Aſtronomi præter mittunt, & ſolum
de ijs, quas oculi ad cœlum ſublati commodo comprehendere poſſunt, ſermo-
nem habent. Sed quoniam vulgo incredibile videtur, eſſe tantummodo 1022.
ſtellas in Firmamento commodo viſibiles, propterea quod viſus eas nocte ſerena
confuſe intuens, ſine vllo ordine, putat eſſe propemodum innumeras: Viſum eſt,
omnes 1022. ſtellas ab Aſtronomis obſeruatas eo ordine hic recenſere, quo in
globo cæleſti depingi ſolent. Ita enim fiet, vt ſi quis diligenter nocte ſerena ſtel-
las obſeruans conferat globum cum ſtellis viſis, nulla aliam, præter eas, quæ in
globo notatæ ſunt reperiat; immo vix minimas quaſdam ibidem notatas viſu
percipere poſſit. Vnde mirum ei videri non poterit, non plures in Firmamento
ſtellas lucidas exiſtere, quam 1024.