94 
DE ARCHITECTURA 
cum angularibus dextra ac sinistra quaternae, in 
longitudine, quae est foro proxima, cum iisdem an¬ 
gularibus octo: ex altera parte cum angularibus sex, 
ideo quod mediae duae in ea parte non sunt positae, 
ne impediant aspectus pronai aedis Augusti, quae 
est in medio latere parietis basilicae collocata spec¬ 
tans medium forum et aedem lovis. 8. Item tribu¬ 
nal est in ea aede hemicycli schematis minore cur 
vatura formatum: eius autem hemicycli in fronte est 
intervallum pedum quadraginta sex, introrsus curva¬ 
tura pedum quindecim, uti, qui apud magistratus sta¬ 
rent, negotiantes in basilica ne impedirent. Supra 
columnas ex tribus tignis bipedalibus compactis tra¬ 
bes sunt cirça collocatae, eaeque ab tertiis columnis. 
quae sunt in interiori parte, revertuntur ad antas. 
quae à pronao procurrunt, dextraque ac sinistra he¬ 
micyclum tangunt. 9. Supra trabes contra capitula 
ex fulmentis dispositae pilae sunt collocatae altae 
pedibus tribus, latae quoquo versus quaternis. Su¬ 
pra eas ex duobus tignis bipedalibus trabes euerga¬ 
neae cirça sunt collocatae, quibus insuper transtra 
cum capreolis columnarum contra corpora et antas 
et pariètes pronai collocata sustinent unum culmen 
perpetuum basilicae, alterum a medio supra pronaum 
aedis. 10. Ita fastigiorum duplex tecti nata disposi¬ 
tio, extrinsecus et interioris altae testudinis, prae¬ 
stat speciem venustam. Item sublata epistyliorum 
ornamenta et pluteorum columnarumque superiorum 
distributio operosam detrahit molestiam, sumptus¬ 
que imminuit ex magna parte summam. Ipsae vero 
columnae in altitudine perpetua sub trabes testudi 
nis perductae et magnificentiam impensae et aucto¬ 
ritatem operi adiungere videntur. 
CAPUT II. 
De derario, carcere et curia ordinandis. 
Aerarium, carcer, curia foro sunt coniungenda,