73 
LIBER IV. CAP. I. 
CAPUT I. 
De tribus generibus columnarum earumque 
inventione et de capituli Corinthii 
symmetria. 
Columnae Corinthiae praeter capitula omnes sym¬ 
metrias habent uti lonicae, sed capitulorum altitudi¬ 
nes efficiunt eas pro rata excelsiores et graciliores: 
quod lonici capituli altitudo tertia pars est crassitu¬ 
dinis columnarum, Corinthii tota crassitudo scapi. 
Igitur quod duae partes e crassitudine Corinthiarum 
adiiciuntur, efficiunt excelsitate speciem earum gra¬ 
ciliorem. 2. Cetera membra, quae supra columnas 
imponuntur, aut e Doricis symmetriis aut lonicis mo¬ 
ribus in Corinthiis columnis collocantur: quod ipsum 
Corinthium genus propriam coronarum reliquorum¬ 
que ornamentorum non habuerat institutionem, sed 
aut e triglyphorum rationibus mutuli in coronis et in 
epistyliis guttae Dorico more disponuntur, aut ex lo¬ 
nicis institutis zophori scalpturis ornati cum denti¬ 
culis et coronis distribuuntur. 3. Ita e generibus 
duobus, capitulo interposito, tertium genus in operi¬ 
bus est procreatum. E columnarum enim formationi¬ 
bus trium generum factae sunt nominationes, Dorica, 
lonica, Corinthia; e quibus prima et antiquitus Dorica 
estnata. Namque Achaia Peloponnesoque tota Dorus 
Hellenis et Orseidos Nymphae filius regnavit, isque 
Argis, vetusta civitate, lunonis templo aedificavit eius 
generis fortuito formae fanum: deinde iisdem gene¬ 
ribus in ceteris Achaiae civitatibus, cum etiamnum 
non esset symmetriarum ratio nota. 4. Postea autem 
quam Athenienses ex responsis Apollinis Delphici com¬ 
muni consilio totius Hellados tredecim colonias uno 
tempore in Asiam deduxerunt, ducesque singulis colo¬ 
niis constituerunt, et summam imperii potestatem lo¬ 
ni, Xuthi et Creusae filio, dederunt, quem etiam Apol¬ 
lo Delphis suum filium in responsis est professus ; isque