107 
LIBER V. CAP. VIII. 
incremento scandens, ingreditur ad aures diserta 
verborum claritate. Ita si in locorum electione fue¬ 
rit, diligens animadversio, emendatus erit prudentia 
ad utilitatem in theatris vocis effectus. 
Formarum autem descriptiones inter se discrimi¬ 
nibus his erunt notatae, uti quae ex quadratis desi¬ 
gnantur, Graecorum habeant usus, latinae paribus 
lateribus trigonorum. Ita his praescriptionibus qui 
voluerit uti, émendatas efficiet theatrorum perfe¬ 
ctiones. 
CAPUT IX. 
De porticibus post scenam et am¬ 
bulationibus. 
Post scenam porticus sunt constituendae, uti cum 
imbres repentini ludos interpellaverint, habeat po¬ 
pulus, quo se recipiat ex theatro, choragiaque laxa¬ 
mentum habeant ad comparandum: uti sunt porticus 
Pompeianae itemque Athenis porticus Eumenia, Pa¬ 
trisque Liberi fanum, et exeuntibus e theatro sini¬ 
stra parte Odeum, quod Themistocles columnis la¬ 
pideis navium malis et antennis e spoliis Persicis 
pertexit; idem autem setiam incensum Mithridatico 
bello rex Ariobarzanes restituit: Smyrnae Stratoni- 
ceum, Trallibus porticus ex utraque parte ut scenae 
supra stadium: ceterisque civitatibus, quae diligen¬ 
tiores habuerunt architectos, circa theatra sunt por¬ 
ticus et ambulationes. 2. Quae videntur ita oporte¬ 
re collocari, uti duplices sint, habeantque extério¬ 
res columnas Doricas cum epistylis et ornamentis 
ex ratione modulationis Doricae perfectas. Latitu¬ 
dines autem earum ita oportere fieri videntur, uti 
quanta altitudine columnae fuerint exteriores, tan¬ 
tam latitudinem habeant ab infériore parte columna¬ 
rum extremarum ad medias, et a medianis ad parie¬ 
tes, qui circumcludunt porticus ambulationes: me¬ 
dianae autem columnae quinta parte altiores sint