VITRUVIUS. LIB. VI. 
40 
pseudourbanis 48 statim peristylia, deinde tunc atria 
habentia circum porticus pavimentatas spectantes ad 
palæstras et ambulationes. 
Quoad potui, urbanas rationes aedificiorum summa¬ 
tim perscripsi, ut proposui : nunc rusticorum expedi¬ 
tionem, ut sint ad usum commoda, quibusque rationibus 
collocare oporteat ea, dicam. 
VI. De rusticorum ædificiorum rationibus. 
Primum de salubritatibus 49, uti in primo volumine 
de mœnibus collocandis scriptum est, regiones aspi¬ 
ciantur, et ita villae collocentur. Magnitudines earum 
ad modum agri, copiasque fructuum comparentur: 
cortes5° magnitudinesque earum ad pecorum nume¬ 
rum, atque quot juga boum opus fuerit ibi versari, ita 
finiantur. In corte culina quam calidissimo loco designe¬ 
tur, conjuncta autem habeat bubilia51, quorum præese¬ 
pia ad focum22 et orientis cœli regionem spectent; ideo 
quod boves lumen et ignem spectando 53 horridi non 
fiunt. Item agricolae regionum periti non putant opor¬ 
tere aliam regionem coeli boves spectare nisi ortum solis. 
Bubilium autem debent esse latitudines, nec minores 
pedum denum, nec majores quindenum 54: longitudo, 
uti singula juga, ne minus occupent pedes septe¬ 
nos. Balnearia 35 item conjuncta sint culinae : ita enim 
lavationi rustica ministratio non erit longe. Torcular 
item proximum sit culinae : ita enim ad olearios fructus 
commoda erit ministratio : habeatque conjunctam vi¬