434 
VITRUVIUS. LIB. X. 
palis haerentibus, ampliore modo machina collocabitur. 
Trochleæ et ductarii funes, uti supra scriptum est, 
expediuntur. 
Sin autem colossicotera amplitudinibus et ponderibus 
ohera in operibus fuerint, non erit suculae committen¬ 
dum; sed quemadmodum sucula cheloniis retinetur 
ita axis includatur, habens in medio tympanum am¬ 
plum, quod nonnulli rotam appellant, Graeci autem 
ipevgiv alii pgxov vocitant. 
In his autem machinis trochlea non eodem sed alio 
modo comparantur: habent enim et in imo et in summo 
duplices ordines orbiculorum : ita funis ductarius traji¬ 
citur in inferioris trochleae foramen, uti aequalia duo 
capita sint, funis quum erit extensus; ibique secundum 
inferiorem trochleam resticula circumdata et connexa, 
utraque partes funis continentur, ut neque in dextram. 
nèque in sinistram partem possint prodire. Deinde 
capita funis referuntur in summa trochlea ab exteriore 
parte, et dejiciuntur circa orbiculos imos, et redeunt 
ad imum conjiciunturque infimae trochleae ad orbiculos 
ex interiore parte, et referuntur dextra ac sinistra ad 
caput circa orbiculos summos. 
Trajecta autem ab exteriori parte referuntur dextra 
ac sinistra tympanum in axe, ibique ut hæreant, colli¬ 
gantur. Tum autem cirça tympanum involutus alter 
funis refertur ad ergatam 2°, et is circumactum tympa¬ 
num et axein se involvendo, funes qui in axe religati 
sunt, pariter se extendunt, et ita leniter levant onera 
sine periculo. Quod si majus tympanum collocatum 2 
aut in medio aut in una parte extrema habuerit sine