VITRUVIUS. LIB. I. 
62 
tione videbuntur esse constituta : fossis enim ductis 
aquæ exitus ad litus, et, mari tempestatibus aucto, in 
paludes redundantia motionibus concitatur, amarisque 
mixtionibus non patitur bestiarum palustrium genera 
ibi nasci; quaeque de superioribus locis natando proxime 
litus pervenlunt , inconsueta salsitudine necantur. 
Exemplar autem hujus rei Gallicæ paludes 33 possunt 
esse, quæ circum Altinum, Ravennam, Aquileiam alia¬ 
que quae in ejusmodi locis municipia sunt proxima palu¬ 
dibus; quod his regionibus habent incredibilem salubri¬ 
tatem. 
Quibus autem insidentes sunt paludes, et non ha¬ 
bent exitus profluentes neque per flumina, neque per 
fossas, uti Pomptinæ 84, stando putrescunt, et humores 
graves et pestilentes in his locis emittunt. Item in Apu¬ 
lia oppidum Salapia vetus, quod Diomedes ab Troja 
rediens constituit, sive, quemadmodum nonnulli scri¬ 
pserunt, Elphias Rhodius, in ejusmodi locis fuerat collo¬ 
catum; ex quo incolae quotannis æegrotando laborantes, 
aliquando pervenerunt ad M. Hostilium, ab eoque pu¬ 
blice petentes impetraverunt, uti his idoneum locum ad 
mœnia transferenda conquireret eligeretque. Tunc is 
moratus non est, sed statim rationibus doctissime quae¬ 
sitis, secundum mare mercatus est posséssionem loco 
salubri, ab senatuque populoque Romano petiit, ut lice¬ 
ret transferre oppidum, constituitque mœnia, et areas 
divisit, nummoque sestertio 85 singulis municipibus man¬ 
cipio dedit. His confectis lacum aperuit 86 in mare, et 
portum e lacu municipio perfecit. Itaque nunc Salapini