DE ARCHITECTURA LIB. X. 
323 
perfectus in torno, in quo insuper constitutus 
aries, rudentium ductionibus & reductionibus, 
efficiebat magnos operis effectus; tegebatur au¬ 
tem is coriis crudis quemadmodum turris. De 
terebra has explicuit scriptis rationes. Ipsam ma¬ 
chinam uti testudinem in medio habentem col¬ 
locatum in orthòstatis canalem faciebat, quemad¬ 
modum in catapultis aut balistis fieri solet, lon¬ 
gitudine cubitorum L. altitudine cubiti, in quo 
constit uebatur transversa sucula. In capite autem 
dextra ac sinistra trochleae duae, per quas mo¬ 
vebatur quod inerat in eo canali capite ferrato 
tignum. Sub eo autem ipso canali inclusi tori 
crebriter celeriores & vehementiores efficiebant 
eius modus. Supra autem id tignum, quod ini¬ 
bi erat, arcus agebantur ad tegendum canalem, 
uti sustinerent corium crudum, quo ea machi¬ 
na erat involuta. De corace nihil putavit scri¬ 
bendum, quod animadverteret eam machinam 
nullam habere virtutem. De accessu, qui èa 
Graece dicitur, & de marinis machinationibus, 
quae per navim aditus habere possent, scribere 
se tantum pollicitum esse vehementer animad¬ 
verti, neque rationes earum eum explicuisse. 
Quae sunt ab Diade de machinis scripta, qui¬ 
bus sint comparationibus, exposui. Nunc quem¬ 
admodum a praeceptoribus accepi, & utilia mi¬ 
hi videntur, exponam.