DE ARCHITECTURA LIB. IV. 
115 
sin autem excavabuntur, sic est forma facien¬ 
da, ita uti quam magnum est intervallum striae, 
tam magnis striaturae paribus lateribus quadra¬ 
tum describatur: in medio autem quadrato cir¬ 
cini centrum collocetur, & agatur linea rotun¬ 
dationis, quae quadrationis angulos tangat, & 
quantum erit curvaturae inter rotundationem 
& quadratam descriptionem, tantum ad for¬ 
mam excaventur. Ita Dorica columna sui gene¬ 
ris striaturae habebit perfectionem. De adiectio¬ 
ne eius quae media adaugetur, (uti in tertio 
volumine de lonicis est perscripta) ita & in his 
transferatur. Quoniam exterior species symme¬ 
triarum & Corinthiorum, & Doricorum, & Io¬ 
nicorum est perscripta, necesse est etiam interio¬ 
res cellarum pronaique distributiones explicare. 
CAPUT IV 
De interiore cellarum & pronai distributione. 
Distribuitur autem longitudo aedis, uti lati¬ 
tudo sit longitudinis dimidiae partis, ipsaque 
cella parte quarta longior sit, quam est latitudo 
cum pariete, qui paries valvarum habuerit col¬ 
locationem. Reliquae tres partes pronai ad an¬ 
tas parietum procurrant, quae antae columna¬ 
rum crassitudinem habere debent. Et si aedes 
erit latitudine maior quam pedes XX, duae co¬ 
lumnae inter duas antas interponantur; quae 
disiungant pteromatos & pronai spatium. Item 
intercolumnia tria, quae erunt inter antas & co¬ 
lumnas, pluteis marmoreis, sive ex intestino 
H 2