79 
M. VITRUVII POLLIONIS 
DE 
ARCHITECTURA 
LIBER TERTIUS. 
PRAEFATIO. 
DELPHICUS Apollo Socratem omnium sa¬ 
pientissimum Pythiae responsis est professus. Is 
autem memoratur prudenter doctissimeque di¬ 
xisse, oportuisse hominum pectora fenestrata & 
aperta esse, uti non occultos haberent sensus, 
sed patentes ad considerandum. Utinam vero 
rerum natura sententiam eius secuta, explicata 
& apparentia ea constituisset! Si enim ita fuis¬ 
set, non solum laudes aut vitia animorum ad 
manum adspicerentur, sed etiam disciplinarum 
scientiae, sub oculorum considerationem subie¬ 
ctae, non incertis iudiciis probarentur, sed & 
doctis & scientibus auctoritas egregia & stabilis 
adderetur. Igitur quoniam haec non ita, sed 
uti natura rerum voluit, sunt constituta, non 
efficitur, ut possint homines, obscuratis sub pe¬ 
ctoribus ingeniis, scientias artificiorum penitus