ANNOTATIONS 
366 
Artemisia & de so Mausolee se void en plusieurs medailles faictes 
& forgees dés le temps de ladite Roine, ou pour le moins bien 
tost apres sa mort. 
Maurusia, est ce que nous disons maintenant le Royaume de 
Grenade en Espagne. 
Masaca, autrement Cesaree, est vne cité de Cappadoce, assise 
au pied du mont dit Argeus. 
Mechaniques, sont gents industrieux, & qui viuent de leur art. 
Medulliens, c'est vne nation de peuple habitante les Alpes ou 
montaignes d'Italie. 
Megalographie, est peincture qui represente des choses gran¬ 
des comme actes heroïques, ou de grands seigneurs, & choses 
semblables. 
Melin, est vne couleur qu'aucuns veulent dire estre jaune, d'au¬ 
tres tiennent qu'elle est blanche, & quelsques vns afferment qu'el 
le est entre les deux. 
Melas, est vn nom propre à plusieurs fleuues: car il y en a vn en 
Mygdonie, l'autre en Asie la mineur, & cestuy-là circuit la ville 
dite Smyrne, vn autre nauigable en Cilicie, & qui la separe de Pa¬ 
phlagonie, vn autre en Thrace, vn autre en Beotie, & sort de la 
montaigne Parnasse, mesmes a tous ses riuages couuers d'Oliuiers. 
Parquoy les Foëtes veulent qu'il soit consacré à Minerue Deesse 
de science. Ledit fleuue est nauigable depuis sa source: & enuiron 
le Solstice d'Esté il se desborde comme le Nil: toutesfois il n'en 
court ja plus loing que de coustume, ains tumbe en quelsques fos¬ 
ses, ou se jecte en des lacs, tellement qu'il en regorge certaine 
petite portion en Cephisus lequel est son voisin: Il y en a aussi 
yn autre de ce mesme nom en Sicile, & de cestuy-là parle Ouide 
au quatrieme liure de ses Fastes, quand il racompte le chemin 
que fit Ceres en cherchant sa fille Proserpine que Pluto luy a¬ 
uoit rauie. 
Melampus fut fils d'Amythaon & de Dorippé, mesmes frere 
d'vn nomme Biant. Ce nom, qui signisie pieds noirs, luy fut donné 
pource que sa mere, je ne sęay à quelle occasion, le laissa dés son 
enfance emmi quelque champ, où elle couurit tout son corps de 
quelsques choses, reserué les pieds, qui demourerent battus & noir¬ 
cis du Soleil. Ce Melampus fut vn excellent diuinateur, & garni 
de grande science, au moyen dequoy il guerit les filles de Pre¬ 
tus, qui estoyent deuenues enragees, & les restitua en leur bon sens, 
puis