DE VITRVVE. 
323 
mortaises en quoy se logent les testes des Catapultes, qui se serrent 
à coins comme vne louue, à fin qu'elles ne bougent quand on les 
veut bander. D'auantage l'on met en iceux bouts de machine 
aucuns moyeux d'airain arrestes par goujons de fer, que les Grecs 
nonment Epithides, apres, l'extremite de la corde se passe d'vn co¬ 
sté par le trou de son moyeu, & trauerse jusques à l'autre: puis on 
l'attache au moulinet, que l'on tourne auec des maniuelles, jus- 
ques à ce que ladite corde tende si fort, que quand on la touche 
des mains, sa resonnance soit par tout egale: & lors on l'arreste sur 
ce poinct, au moyen des coins de fer, comme dit est, à fin qu'elle 
ne se puisse lascher: & aussi l'on monte de mesme (par moulinet & 
maniuelles) celle qui passe de l'autre part, jusques à ce que les 
deux s'accordent en vnisson. Voilà comment par cest arrest de 
coins, & auec le jugement de l'oreille musicienne, se fait la tempe¬ 
rature du bandage d'icelles Catapultes, dont i'ay traicté au mieux 
que i'ay peu faire. 
Des engins pour defendre & offendre: mais en premier lien de 
l'inuention du Bellier, & de sa macnine. 
Chap. XIX. 
ESTE maintenant à parler des machines offensi- 
ues, & à dire comment par leur execution les Ca¬ 
pitaines se font victorieux: puis en quelle sorte les 
villes en peuuent estre defendues. 
L'on dit que l'inuention du Bellier pour offen- 
dre, vint de ce que les Carthaginiens dresserent 
quelque fois vne armee pour subjuguer les Isles dites Gades, 
maintenant le destroit de Gibraltar : où ayant à force pris vn 
chasteau, qu'ils vouloyent demollir, mais ne se trouuans assez de 
ferrements, chargerent vne saline de bois, qu'ils sousleuerent en 
leurs mains, & heurterent auec son bout si continuellement 
contre le haut du mur, qu ils commencerent à jecter par ter¬ 
re les premiers rangs de la maçonnerie: puis poursuyuirent ainsi 
de degré en degré jusques a ce qu'ils eurent demoli tout le 
pan. 
Cependant vn charpentier Tyrien, nomme Pephasmenos, in¬ 
duict de ceste inuention, leua vn mast de nauire, & y en pendit 
Sf ij