DIXIEME LIVRE me partie du trou, & d’eſpaiſſeur vn Oxybaphe, auec auſſi vn Co-
tyle de plus.

Le replum ou couuerture du fer faict en ſorte de coignee, s’ẽ-
boiſte dedans le Chelos de la profondeur d’vn cotyle.

Le bout de la climace ayt vne drachme & demie de large, & ſon eſpaiſſeur ſoit d’vn cotyle.

Le quarré qui eſt aupres de la Climace, ayt vne douzieme por-
tion & demie du trou entier, & en ſes extremités vn cotyle.

Le diametre de l’aiſſeau rond, ſoit egal à celuy du Chelos: mais
aux cheuilles en faut vn demi, moins vne ſeizieme partie & vn
cotyle.

L’Anteridion ou clef de la machine, ayt de longueur quinze
trous auec vn ſicilique, & de large par embas vne ſeizieme partie
de ceſte dite longueur, auec vn neufieme d’auantage: mais par
enhaut ſon eſpaiſſeur ſoit de deux cotyles.

La baſe que l’on dit Eſchara, porte cõuenable quãtité de trous
en long: la contrebaſe autant: puis leur eſpaiſſeur ſoit de la neufie-
me portion d’vn diametre principal.

La colõne ſe compaſſe ſur la moitié de la hàuteur, en y adjou-
ſtant vn cotyle d’auantage: & doit auoir en groſſeur & largeur vn
cinquieme. Toutesfois ſa hauteur ne ſe prend pas ſur la propor-
tion du trou, ains luy eſt donnee telle qu’il eſt beſoing ſelon l’v-
ſage & cõmodité des bras: ſa hauteur eſt de ſix parties, & ſa groſ-
ſeur en la racine du trou ſur les extremités eſt d’vne douzieme
portion de ceſte meſure.

I’ay declaré les ſymmetries qui m’ont ſemblé neceſſaires pour
faire des Arbaleſtes à fõde, & auſſi des Catapultes: parquoy main-
tenant n’obmettray à ſpecifier tout ce qui me ſera poſſible pour
donner à entendr’e comment & par quelle in duſtrie ſe montent
& bandent leurs cordes faictes de nerfs ou cheueux tortillés.

153. Du bandage des catapultes & arbaleſtes.
Chap. XVIII.

L’ On prend certains chantiers de bois de grãdeur aſſez
ample, aux bouts deſquels s’attachent aucunes Am-
mares, Auches, ou Boiſtes, que l’õ charge de moulinets: puis en l’eſpace du milieu de ces chantiers l’on fait des