La hauteur ſe fait d’vne quarte.

La Plattebande attachee aux bords de l’entablement à huict
trous d’eſtendue, eſt eſpaiſſe d’vn demi.

Les gonds ou piuots doyuent porter deux troux, vne drachme
auec vne neufieme portion de plus: & leur groſſeur auoir vn dia-
metre tout entier auec deux ſiciliques, & vn neufieme ou en-
uiron.

La courbure de la tringle de deſſus, arriue à vn demi trou & vn
quart: mais la largeur & la groſſeur de l’autre exterieure porte
celle proportion double.

La largeur de la Paraſtate ſe rapporte à la longueur qu’aura
donné le contour de la formation, & autant en faut à la courbure
auec vn K, qui ſignifie Coryle, valant neuf poulces.

Au demeurant, les tringles de deſſus ſoyent egales à celles de
deſſous, à ſçauoir chacune d’un Cotyle.

Les deux tables des trauerſans ayent vne largeur de trou auec
vn Cotyle de plus: chacune des perches du Climacyclos ou Cli-
macis, qui eſt vne petite eſchelle pour bander & faire monter de
degré en degré la co@de de l’arc juſques à la noix, ayt treize trous
& vn neufieme de long: puis de groſſeur trois & vn quart.

L’interualle ou eſpace du milieu comprenne ſeulement vne
quarte partie & vn neufieme de la largeur du trou, & l’eſpaiſſeur
vne huictieme auec vn quart.

La partie ſuperieure du climacis, prochaine & conioincte à la
table, ſoit diuiſee en cinq parties, dont deux & vne neufieme por-
tion ſe donnent au membre que les Grecs appellent Chelon, qui
ayt de large vne ſeizieme partie, & d’eſpaiſſeur vn ſicilique auec
vn neufieme: mais ſa longueur ſoit de trois trous d’eſtendue, ad-
joinct encores vn demi diametre, & vn cotyle d’auantage.

Les eminences ou ſaillies de ce Chelos, ſoyẽt d’vn demy trou,
& non plus.

Le Pleuthigoma, c’eſt à dire auget quarré, dedãs lequel ſe met
la pierre ou quarreau qu’il conuient jecter, ayt d’ouuerture vn O-
xybaphe, autrement la quarte partie d’vn Cotyle, qui contient
vingt & quatre drachmes, auec vn ſicilique d’auantage.

Ce qui eſt joinct à l’Axon, que l’on appelle front trauerſant au
cheualet, ſur lequel ſe tourne la Machine, ſoit de trois diametres
& vn neufieme.

La largeur des reigles ou tringles du dedans, porte vne ſeizie-