Full text: Vitruvius: Tesoro De Las Tres Lengvas Española, Francesca, Y Italiana

DIXIEME LIVRE force de barres ou Leuiers paſſans par dedans ſes mortaiſes, fera
dreſſer les affuſts par eux meſines, & ſans peril. alors les eſchar-
pes trauerſantes & tendues contrebas, ſoyent roidies pour te-
nir l’engin droit ſur ſes pieds ſans gauchir de coſté ny d’autre: & par ce moyen les mouffles & cordages propres à guinder
quelque beſongne, ſe trouueront bien appliqués pour en tirer
ſeruice.

139. D’vne machine pareille à la precedente, mais à qui l’on peut pl{us}
ſeurement fier des charges coloßicoteres, nonobſtant
qu’il n’y ayt de changé ſinon le Moulinet
à vn Tympan ou Treuil.

Chap. IIII.

S’ Il aduient qu’il fale leuer en l’ouurage de co-
loſſicoteres, qui ſont fardeaux plus grands que
d’ordinaire, & de plus exceſſiue peſanteur, il ne
ſera pas ſeur de les fier à vn moulinet, mais ne
plus ne moins qu’il eſt ſouſtenu ſur des auches,
boiſtes, ou ammares, ainſi faudra-il faire paſſer
par dedans les arcsboutans ou jambages de l’engin, vn aiſſeau
de forte matiere, puis l’enuironner d’vn Tympan, ou Treuil,
nommé par aucuns, Grande rouë, mais par certains Grecs Am-
phireuſis, & par les autres Peritrochos. Si eſt-il encores à noter
que les mouffles de ces machines ne ſont telles que celles des
deſſuſdites Cheures, car il y a tant en haut comme en bas dou-
bles ordres de poulies, & la corde menant le mouuement paſſe
par le trou d’embas de la mouffle, en ſorte que ſes deux bouts
ſont egaux quand elle eſt eſtendue. apres elle eſt liee fort & fer-
me au deſſous d’icelle mouffle, auec vn petit cordeau, ſi bien que
ſes deux parties ne peuuent plus varier deça ny delà, à droit ny à
gauche, Cela faict, ſes deux bouts ſe rapportent aux poulies de
deſſus, par dehors, & les fait-on reuenir à celles de bas auſſi par
dehors, puis ſe rapportent derechef aux deux autres poulies
ſuperieures: mais adonc c’eſt par dedans d’où ils viennent s’at-
tacher au Treuil, l’un par le coſté dextre, l’autre par le ſeneſtre: & outre tout celà encores y a-il vne autre corde attachee à ce
Treuil, qui s’en va enuironner le Singe, lequel venant à eſtre

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer