Full text: Vitruvius: Tesoro De Las Tres Lengvas Española, Francesca, Y Italiana

DE VITRVVE. pour ne fouruoyer en ceſte Campagne, en laquelle j’ay faict
comme Agatharque, lequel à la ſuaſion d’Eſchyle ſon precepteur,
commença deuant tous en Athenes, à conuertir la Tragedie en
Scene, laiſſant aux ſucceſſeurs les moyens de faire comme luy: tellement que Democrite & Anaxagoras ſe trouuans ſtimulés
de ſuiure ceſte route, eſcriuirent en meſme ſtile la practique de
Perſpectiue, donnant à entendre comment il faut par raiſon na-
turelle, eſtant conſtitué vn centre, y faire correſpondre toutes
lignes procedentes du poinct de la veuë, ſelon la portee de
ſes rayons: & ce pour & à fin que la platte peincture appli-
quee pour ornement aux Scenes, repreſentaſt des apparences
de baſtiments releués: & que certains traicts mis en ſuperfi-
cies plaines, ſemblaſſent les vns approcher, & les autres ſe re-
culer.

Apres ces deux Philoſophes deſſus nommés, Silene fit vn liure
des ſymmetries & proportions Doriques. Auſſi Theodore eſcri-
uit de la formation du Temple de Iuno baſti en Samos ſelõ icelle
maniere Dorique, Conſequẽment Cteſiphon & Metagenes don-
nerent à entendre l’ordre de celuy de Diane en Epheſe. Puis Phi-
lee traicta de l’autre dedié à Minerue, lequel eſt en la ville de Prie-
ne, edifié à la mode Ionique. Plus Ictin & Carpion traicterẽt auſſi
du Tẽple d’icelle Minerue erigé dedans le Chaſteau d’Athenes: & Diodore de Phocee ſpecifia particulierement le Thole (c’eſt à
dire Pinnacle ou Lanterne) de celuy d’Apollo en Delphes, non-
obſtant qu’aucuns veulent dire que c’eſtoit de la chambre des
Archifs où ſe gardent les eſcritures.

Philo parla auſſi des ſymmetries & proportions d’iceux Tem-
ples, & de l’Armurerie qui auoit jadis eſté au port de Pyree, pres
ladite ville d’Athenes. Semblablement Hermogenes deſcriuit le
Temple de Diane ſitué à Magneſie en Aſie, que luy meſme auoit
faict Ionien Pſeudodipterique: & auec ce ne voulut taire celuy de
la ville de Teo en Paphlagonie, qui eſtoit Monoptere, ou à vn rãg
de colonnes, dedié à Liber pater, qui eſt Bacchus. Apres Argelie
declara quelles eſtoyent les ſymmetries de Corinthe, & la façon
du Temple d’Eſculapius, conſtruit en la ville de Tralles, à la mo-
de Ionique: & dit-on qu’il en auoit eſté le conducteur. Auſſi Sa-
tyre & Phyteus eſcriuirẽt du Mauſolee ou ſepulcre du Roy Mau-
ſolus, dominateur en Carie, & mari de la Royne Artemiſia. Veri-
tablement vne felicité humaine a procuré beaucoup de biens &

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer