598. PHYSICES
ELEMENTA MATHEMATICA,
EXPERIMENTIS CONFIRMATA.
LIBER IV.
Pars I. De Mundi Syſtemate.
CAPUT I.
Idea Generalis Syſtematis Planetarii.

Spatium nullis limitibus terminari poſſe qui atten- tè conſideraverit, vix inficias ire poterit, ſupre-
mam omnipotentem intelligentiam, quam terri-
colis arcto in campo demonſtravit, ſapientiam
ubique manifeſtam feciſſe. Quem hìc arctum dico campum,
in immenſum captum noſtrum ſuperat; arctum tamen cum
ſpatio infinito collatum.

Tellus noſtra cum ſedecim aliis corporibus, (non plura no-
vimus) in determinato ſpatio movetur; non ultra determina-
tos limites, neque à ſe mutuo recedunt; neque ad ſe mutuo
accedunt hæc corpora; & immutatis legibus motus horum
ſubjiciuntur.

599. Definitio I.

Congeries hæc ſeptemdecim corporum vocatur Syſtema
Planetarium.

Circa hæc ſola ferè tota verſatur ars Aſtronomica; de his
etiam præcipuè acturus ſum in hoc opere: reliqua Univer-
ſum conſtituentia corpora nimium à nobis diſtant, ut horum
motus, ſi moventur, à nobis obſervari poſſint; inter hæc
nobis ſenſibilia ſunt ſola lucida, & quidem inſigniora tan-
tùm, & quæ à nobis cæteris minus diſtant: etiam illorum,
quæ Teleſcopio deteguntur, plurima oculo inermi viſibilia
non ſunt.