MATHEMATICA. LIB. I. CAP. XXII. tis unius pollicis. Ut cylindrus hicce ſuſpendatur, lamel-
læ æneæ perforatæ dantur H & I, ut & duplicatus uncus
in medio in L, cui fila connectuntur quæ per lamellarum H,
I, foramina tranſmittuntur. Lamella H ita ponitur ut di-
miſſa perpendiculari ad axem, A h ſit trium partium quarta-
rum unius pollicis.

Applicatur cylindrus hic machinæ, cujus ope Experi-
menta circa colliſionem corporum inſtituuntur, & cujus de-
ſcriptio in capite ſequenti habetur dum eidem machinæ firmiter jungitur pixis, in eâdem deſcriptione memoranda,
argillam mollem cujus ſuperficies plana eſt, continens.

In argillam dimittatur cylindrus velocitate quacumque,
& motum amittat cavitatem formando, extremitate A in
argillam incurrente. Si, mutato paululum pixidis ſitu, eâ-
dem velocitate cylindrus in argillam impingat, extremitate
B in hanc penetrante; quæcunque fuerit velocitas qua cor-
pus in utroque caſu movetur, ſi in utroque eandem habeat
velocitatem, id eſt impactione eandem vim amittat; cavita-
tum diametri erunt ut 2 ad 3.

Cavitatum baſes, quæ ſunt ut quadrata diametrorum , funt ut 4 ad 9, & cavitatum profunditates ut 9 ad 4, (hoc
enim ex conorum forma ſequitur) id eſt baſes ſunt inversè
ut altitudines, quare cavitates ſunt æquales ; ideoque effectus virium æquales ; inæqualibus tamen temporibus vires conſumuntur cum ad inæquales profunditates in argillam pe-
netrent coni.

Vires corporibus inſitæ, inter ſe differre non poſſunt niſi
reſpectu velocitatis, aut quantitatis materiæ in corporibus: ergo vires quæeunque, ex dictis conferuntur inter ſe, & ſunt in ratione compoſita quantitatum materiæ, & quadra-
torum velocitatum. Si igitur ſingulorum corporum maſſæ
per quadrata ſuarum velocitatum multiplicentur, producta
virium rationem exprimunt.

Ex his facillime deducimus corpora cadendo vires æqua-
les acquirere, ſi altitudines, quas deſcendendo percurrunt,
ſint inter ſe in ratione inverſa maſſarum. In Experimentis