223. DEQVATVOR CIRCVLIS MINORIBVS.

DICTO de ſex circulis maioribus, dicedum eſt de qua-
tuor minoribus. Notandum igitur, quod Sol exiſtẽs in
primo puncto Cancri, ſiue in primo puncto ſolſtitij eſti-
ualis, raptu Firmamenti deſcribit quendam circulum,
qui ultimo deſcriptus eſt à Sole ex parte poli Arctici,
unde appellatur circulus ſolſtitij ęſtiualis, ratione ſu-
perius dicta: Vel tropicus æſtiualis, à τροπὴ, quod eſt conuerſio: quia tunc
Sol incipit ſe conuertere ad inferius hemiſphærium, & recedere à nobis.

SOL iterum exiſtens in primo puncto Capricorni, ſiue Solſtitij hye-
malis, raptu Firmamenti deſcribit quendam circulum, qui ultimo deſcri-
bitur à Sole ex parte poli Antarctici, under appellatur circulus ſolſtitij
hyemali@, ſiue tropicus hyemalis, quia tunc Sol conuertitur ad nos.

224. COMMENTARIVS.

FInita tractatione ſex circulorum, qui in ſphæra ſunt maximi,
agit hoc loco de quatuor minoribus, ſeu non maximis, & pri-
mo de duobus, qui raptu primi mobilis deſcribuntur à primo
grad. ♋, & ♑, & conſequenter ab Aequatore remouentur grad. 23. Min. 20. quemadmodum & principia ♋, & ♑. Hi autem
duo circuli inter ſe æquales ſunt, contingitq́ue uterque unico tantum pun-
cto Eclipticam, ut ex 2. lib. Theodoſij colligitur: Item ſunt ultimi, ac mini-
mi, quos Sol motu diurno deſcribit. Nam uſq; ad illos euagatur huc, illucq; ab Aequatore Sol; quàm primum autem ad eos peruenerit, mox ad Aequato-
rem rurſus iter ſuum dirigit. Qua de re ait, ipſos uocari Tropicos à nomine
græco, τροπὴ, quod ſignificat conuerſionem, quia in illis exiſtens Sol iterum
ſe conuertit ad Aequatorem. Ille quidem, qui à primo puncto ♋, deſcribi-
tur, appellatur Tropicus Cancri: Hic uero, qui deſcribitur ab initio ♑, Tro-
picus Capricorni dici conſueuit. Pari ratione Tropicus Cancri appellari ſo
@et Tropicus æſt@ualis: Tropicus ſeu circul ₉ Solſtitij æſtiui, quod intellige in
hamiſphærio Boreali: Tropicus Septentrionalis: circulus uerſilis Cancri. Itẽ
Tropicus Capricorni uocatur Tropicus hyemalis: Tropicus, ſeu circulus
Solſtitij hyemalis: Tropicus Auſtralis, & id genus alijs plurimis nominibus
uterque nominari ſolet à ſcriptoribus.

CVM autem Zodiacus declinet ab Aequinoctiali, & polus Zodiaci
declinabit à polo mundi. Cum igitur moueatur octaua ſphæra, & Zodia-
cus, qui eſt pars octauæ ſphæræ, mouebitur circa axem mundi, & polus
Zodiaci mouebitur cir capolum mundi. Iſte igitur circulus, quem deſcri-
bit polus Zodiaci circa polum mundi Arcticum, dicitur circulus Arcti-
cus: Ille uero circulus, quem deſcribit alter polus Zodiaci circa polum
mundi Antarcticum, dicitur circulus Antarcticus.