CHISTIANI HUGENII alantur. Nihil enim aliter gigni poſſe omnes fere Philoſo-
phiarbitrantur; & fuere inter præcipuos, qui ex aqua omnium
rerum originem eſſe dicerent. Etenim, ſicca & arida quæ
ſunt, motu carent: abſque motu vero nihil corporibus, quo
augeantur, accedere poſſe manifeſtum eſt. At liquidorum
particulæ, & inter ſe continue moventur, & facile ſeſe ubi-
que inſinuant; quo fit, ut non tantum ſeipſas, ſed & alias
diverſæ naturæ, quas ſecum vehunt, creſcentibus apponere
aptæ ſint. Ita enim, aquæ affluxu, & herbas adoleſcere, fo-
liiſque & fructibus augeri, & lapides ex arena concreſcere cer-
nimus. Itemque metalla & cryſtallos, gemmaſque incre-
menta inde capere ſatis conſtat, etſi in his obſcurius id ani-
madvertitur, propter lentiſſimos progreſſus; quodque ſæpe
non in iis, quibus enatæ ſint, locis cavitatibuſque reperian-
tur; pervetuſtis, ut videtur, Terræ ruinis convulſionibuſ-
que disjectæ. Sed aquæ elementum a Planetis non abeſſe,
veriſimiles quoque conjecturæ ſuppetunt, ex teleſcopiorum
obſervationibus. Apparent enim in Jove tractus quidam re-
liquo diſco obſcuriores, iique non eadem ſemper forma per-
manentes, quod nubium proprium eſt. Maculæ vero, quæ
immutabiliter globo ejus inhærere conſpiciuntur, ſæpe lon-
go tempore obtectæ manent, nubibus videlicet illis interce-
ptæ, è quibus deinde rurſus emergant. Atque etiam nubes
in medio Jovis diſco exoriri quandoque annotatum fuit, & maculas quaſdam minores exiſtere, reliquo corpore magis
lucidas, neque eas diu ſupereſſe; quas Caſſinus ex nivibus
eſſe conjectabat, cacumina montium inſidentibus. Mihi non
improbabile videtur, terræ regiones candidiores eſſe, ſuper-
fuſis nubibus plerumque occultatas, ac nonnunquam ab iis
liberas.

Apparent, etiam in Marte, lucis & obſcuritatis diſcrimi-
na, ex quibus converſio ejus ad Solem, viginti quatuor ho-
ris cum 40 ſcrupulis primis, abſolvi reperta eſt; nubes tamen
nondum fuerunt animadverſæ, idcirco quod multò minor cer-
nitur quam Jupiter; etiam cum maximè ad Tellurem appro-
pinquat. Præterquam quod & intenſior Martis lux, utpote