MACHINARUM obſcure expoſita conſpicerentur; quibus tantum præcelluere
noſtratium hominum conatus, ut non ſane immerito primi
ejus inventores haberentur. Hos vero rurſus longiſſime præ-
vertit Galilæus, tot tantiſque rebus, tubi ſui opera, in cæ-
lo deprehenſis, quarum nihil quidquam ante ipſum fuerat
perceptum. Videbatur nihil præſtantius iis, quæ ſibi para-
verat, organis repertum iri. At, ſi nunc in vitam redeat,
quis dubitet quin ſuis ipſe multo præpoſiturus ſit ea quæ de-
inde exſtiterunt; tum noſtra, quibus Saturni planetæ veras
figuras annulumque primi conſpeximus; tum magis etiam,
quæ his ſucceſſerunt Italica, ab egregiis artificibus elaborata. Quibus uſus Vir Clariſſimus Dominicus Caſſinus, alia in-
ſuper nova phænomena cœlo deduxit; planetariorum glo-
borum in ſeſe revolutiones, comiteſque Saturni duos, præ-
ter eum quem nos repereramus, reliquis manifeſtiorem.

Quod ſi attendamus quibus acceſſionibus in tantum hæc ars
continue creverit, nihil aliud reperiemus niſi auctam tubo-
rum longitudinem, lenteſque, quas vocant, vitreas in ſphæ-
ræ majoris convexitatem diligentius conformatas. Etſi enim
modos quoſdam alios, compendiaque inveſtigaverint viri ſub-
tiliſſimi; jam conicarum ſectionum præſcriptis figuris, quæ
vitro inducerentur; jam ſpeculorum reflexionibus radios lu-
cis colligendo; certum eſt hæc omnia vel fruſtra fuiſſe, vel
votis & expectatione longe minora, ob cauſas quas expo-
nere non eſt hujus loci; unamque adeo rationem, qua profi-
ceretur, hactenus eſſe relictam, tuborum productionem. Et
ſane, quanto magis rei ipſius naturam intueor, tanto pro-
pius eſt ut exiſtimem, nihil alia via ne impoſterum quidem
eſſe ſperandum.

Optime igitur operam ſuam ij collocaſſe videntur, qui pa-
randis tubi majoris lentibus incubuerunt. Quorum diligentiæ
ſucceſſus hac in parte non defuit. Sed aliunde non exiguum
oblatum fuit incommodum, nimia, tuborum longiorum gra-
vitas ac moles; quibus movendis neceſſario machinæ in auxi-
lium advocandæ fuerunt. Hæ vero & in iis quæ nunc extant,
pedum triginta aut quadraginta, longitudinibus difficile con-