HOROLOG. OSCILLATOR. modi horologium, fixarum ſtellarum obſervationibus, com-
poſitum fuerit, methodo illa quam in horologii deſcriptione
oſtendimus: aliud pendulum ſimplex, hoc eſt, ſphæra plum-
bea, aut alia materia gravi conſtans, ex tenui filo religata,
juxta ſuſpendenda eſt, motuque exiguo impellenda; ac tan-
tiſper producenda, aut contrahenda fili longitudo, donec
recurſus ejus, per quadrantem horæ, aut ſemiſſem, una feran-
tur cum reciprocationibus penduli horologio aptati. Dixi
autem exiguo motu impellendum pendulum, quia oſcilla-
tiones exiguæ, puta 5 vel 6 partium, ſatis æqualia tempora
habent, magnæ vero non item. Tunc, acceptâ menſurâ di-
ſtantiæ, à puncto ſuſpenſionis ad centrum oſcillationis pen-
duli ſimplicis; eâque, ſi recurſus ſinguli ſcrupula ſecunda
valeant, in tres partes divisâ; facient hæ ſingulæ longitudi-
nem pedis, quem Horarium in ſuperioribus vocavimus: quique, hoc pacto, non ſolum ubique gentium conſtitui
poſſit, ſed & venturo ævo redintegrari. Adeo ut & moduli
pedum omnium aliorum, ſemel ad hunc proportionibus ſuis
expreſſi, certò quoque in poſterum cognoſci poſſint. Sicut
jam ſupra, pedem Pariſienſem ad hunc horarium eſſe diximus,
ut 864 ad 881; quod idem eſt ac ſi, poſito prius pede Pa-
riſienſi, dicamus tribus hujuſmodi pedibus, cum octo lineis
& dimidia, conſtitui pendulum ſimplex, cujus oſcillationes
ſcrupulis ſecundis horariis reſponſuræ ſint. Pes autem Pari-
ſienſis ad R henanum, quo in Patria noſtra utuntur, ſe habet
ut 144 ad 139; hoc eſt, quinque lineis ſuis diminutus, al-
terum illum relinquit. Atque ita & hic pes, & alii quilibet,
perpetuo duraturas menſuras accipiunt.

Quomodo autem centrum oſcillationis in ſphæra, ex
qualibet longitudine ſuſpenſa, inveniatur, in ſuperioribus
demonſtratum eſt. Nempe, ſi fiat ut diſtantia inter punctum
ſuſpenſionis & ſphæræ centrum, ad ſemidiametrum ejus,
ita hæc ad aliam; ejus duas quintas, à centro deorſum ac-
ceptas, terminari in quæſito oſcillationis centro. Facile au-
tem apparet cur neceſſaria ſit hujus centri conſideratio, ad
accuratam pedis Horarii conſtitutionem. Nam, ſi à pun-