HOROLOG. OSCILLATOR. rum à diſtantiis, quibus unumquodque pondus ab-
eſt ab axe oſcillationis, applicetur ad diſtantiam
centri gravitatis communis ab eodem oſcillationis
axe, multiplicem ſecundum ipſorum ponderum nu-
merum, orietur longitudo penduli ſimplicis compo-
ſito iſochroni.

Sint poſita eadem quæ prius, ſed pondera omnia inter ſe
æqualia intelligantur, & ſingula dicantur a. Rurſus vero
nulla eorum magnitudo conſideretur, ſed pro minimis ha-
beantur, quantum ad extenſionem.

Itaque penduli ſimplicis iſochroni longitudo, per propo-
ſitionem antecedentem, erit {a e e + a f f + a g g/a d + a d + a d}. Vel, quia quanti-
tas diviſa ac dividens utraque per a dividitur, fiet nunc ea-
dem longitudo, {e e + f f + g g/3d}. Quo ſignificatur ſumma quadra-
torum à diſtantiis ponderum ab axe oſcillationis, applicata
ad diſtantiam centri gravitatis omnium ab eodem oſcillatio-
nis axe, multiplicem ſecundum numerum ipſorum ponde-
rum, qui hic eſt 3. facile enim perſpicitur numerum hunc,
in quem ducitur diſtantia d, reſpondere neceſſario ipſi pon-
derum numero. Quare conſtat propoſitum.

Quod ſi pondera æqualia in unam lineam rectam conjun-
cta ſint, atque ex termino ejus ſuperiore ſuſpenſa; conſtat
diſtantiam centri gravitatis, ex omnibus compoſitæ, ab axe
oſcillationis, multiplicem ſecundum ponderum numerum,
æquari ſummæ diſtantiarum omnium ponderum ab eodem
oſcillationis axe ; ac proinde, hoc caſu, habebitur quoque longitudo penduli ſimplicis, compoſito iſochroni, ſi ſumma
quadratorum à diſtantiis ponderum ſingulorum ab axe oſcil-
lationis, dividatur per ſummam earundem omnium diſtan-
tiarum.