XIX
rint sacrae et propriae. Quae loca, praecipue Horapollinis, summa cura examinari
et colligi debebant. Denique veteres astronomi ipsi, Firmicus, Manetho, Ptolemaeus,
Proclus, Paulus Alexandrinus, Manilius, Censorinus, Johannes Lydus, Sextus Empiricus, -
Hermes, Vettius Valens aliique illecti et neglecti, singulis planetis ac zodiacalibus ¬
segmentis adscribunt permulta et varia nomina diuina, Deos Deasque, personas, ¬
quadrupeda, aues, insecta, amphibia, arbores, plantas, arte facta, ornamenta,
corporum partes eiusque generis alia. His itaque ex fontibus, de quo agit Pars II.
huius voluminis, cognoscitur, quibuscunque fere imaginibus Aegyptii tum planetas
singulos, tum varia Zodiaci segmenta plerumque expresserint. Jam eo perueneram,
vt scirem, quot et quosnam Aegyptii nouerint planetas, quot et quales Zodiaci divisiones ¬
adhibuerint; deinde quibus symbolis vsi fuerint in scriptis astronomicis.
Restabat tertium. Quaerebatur enim, quibus modis ac rationibus Aegyptii planeta
rum loca indicauerint. Quem ad finem rogare licuit papyrum astronomicam Graece
scriptam, feliciter a Saltio in sepulcris Thebanis repertam (Par. III. §. 2.). Hinc patebat -
mihi, Aegyptios septem constanter planetarum constellationes natalitias notasse,
ita vt varias partes Zodiaci cum planeta coniunctas naturali deinceps ordine enumerarent. ¬
Jam auxiliis his tribus inuentis facile erat, inscriptiones Aegyptiorum
astronomicas interpretari. Quamuis enim varia sint earum genera, tamen omnia
sequuntur easdem leges, quippe sequentes. I. In monumentis astronomicis hieroglyphice ¬
scriptis exprimuntur planetae et Zodiaci partes variis iisque certis rerum sa
crarum imaginibus et nominibus. II. Quibus symbolis planeta significatur, eadem
conueniunt Zodiacalibus segmentis eidem planetae ac Domino subiectis. III. Longitudo ¬
planetae ita indicatur, yt omnes Zodiaci diuisiones, quarum in finibus planeta
apparuerit, afferantur. IV. Singulis in versibus segmenta zodiacalia cum planeta
quodam coniuncta secundum dignitatem et ambitum deinceps enumerantur (Trigonodespota ¬
90°, passim cum Tetragonodespota; Oecodespota 30°, Decanus 10°, Horiocrator -
2°— 12°, Dodecatemorion 2° 30’, Moera 1°). V. Planetae, basibus constituti
aliisque rebus distincti a reliquis personis, post tot figuras suis in versibus ponuntur,
quot gradus Signi superauerint. VI. Planetae retrogradi pinguntur retrospicientes.
VII. Adspectus planetarum trigonalis et tetragonalis compositione planetarum et navium ¬
zodiacalium (Signorum) singulari ratione exprimitur. VIII. Planetae inter duo
Signa obseruati inter duos Oecodespotas ponuntur. IX. Hora obseruationis singulari
in loco indicatur Horoscopo. Hae sunt leges primariae, ad quas sequentes inscriptiones ¬
explicare tentaui, quippe omnium celeberrimas.
Zodiacus Tentyriticus, anno 1799 repertus, quem pro antiquissimo, imo antec ¬
2
